അക്ഷരദീപം (Aksharadeepam)

നവരാത്രിസന്ധ്യയിൽ നിലവിളക്കിൻ ശോഭ

നാവിൽ വിരിയുന്നു വാണിയുടെ പ്രഭ

പുസ്തകം പൂജയ്ക്ക് വെച്ചൊരു രാവിൽ

പുലരിയെ കാത്തു ഞാൻ ദേവീ നിൻ കാവിൽ

അരിമണിയിൽ ആദ്യാക്ഷരം കുറിക്കും

അറിവിന്റെ വാതിൽ നീ തുറന്നു തരും

വീണയേന്തിയ വെൺമയേ

വിദ്യ നൽകും ദേവിയേ

അക്ഷരദീപം തെളിയട്ടെ

അമ്മേ നിൻ കൃപ പെയ്യട്ടെ

കുഞ്ഞുവിരലിൽ അറിവിൻ പൊൻതിരി

കാലങ്ങളോളം കത്തട്ടെ

കുഞ്ഞിളം കൈകളിൽ മഞ്ഞളിൻ ഗന്ധം

കുരുന്നു മനസ്സിൽ നിൻ സ്നേഹബന്ധം

വിജയദശമിയുടെ പൊൻപുലരിയിൽ

വിദ്യയായ് നിറയൂ ഓരോ മനസ്സിലും

അക്ഷരദീപം തെളിയട്ടെ

അമ്മേ നിൻ കൃപ പെയ്യട്ടെ

കുഞ്ഞുവിരലിൽ അറിവിൻ പൊൻതിരി

കാലങ്ങളോളം കത്തട്ടെ

അമ്മേ ശരണം