सोनं लुटूया (Sona Lutuya)

दसऱ्याचा सण आला

तोरणं सजली दाराला

झेंडूची माळ लावली उंबऱ्यावर

रांगोळीचे रंग हसतात अंगणभर

नवी साडी नेसून आले मी पूजेला

शस्त्र, वह्या, पाटी ठेवली देवापुढे पुजायला

आपट्याची पानं घेऊन निघालो गावात

सोनं म्हणून वाटू, प्रेम भरू हातात

मोठ्यांच्या पाया पडू, घेऊ आशीर्वाद

विसरून जाऊ सारे जुने वाद

सीमोल्लंघन करूया

नव्या वाटा धरूया

सोनं लुटूया, चला सोनं लुटूया

आपट्याच्या पानांत आनंद वाटूया

सोनं घ्या, सोनं द्या, हसत राहा सदा

अंबेच्या कृपेनं नांदो सुख सर्वदा

रावणाचा अहंकार जळू दे आगीत

सत्याचा दिवा तेवू दे साऱ्या जगात

नव्या कामाचा श्रीगणेशा आज करूया

अंबेच्या चरणी माथा टेकून पुढे जाऊया

विजयाचा दिवस

विजयाचा सण

सोनं लुटूया, चला सोनं लुटूया

आपट्याच्या पानांत आनंद वाटूया

सोनं घ्या, सोनं द्या, हसत राहा सदा

अंबेच्या कृपेनं नांदो सुख सर्वदा

सोनं लुटूया

सोन्यासारखं राहूया