झेप (Zep)

पंख नवे, आभाळ जुनं

आज घेऊया झेप पुन्हा

गावाच्या वेशीवर अडकले होते पाय

लोक म्हणाले पोरीनं इतकं स्वप्न पाहायचं काय

चुलीच्या धुरातून मी पाहिलं निळं आकाश

तेव्हाच ठरवलं, आता थांबायचा नाही प्रवास

पहाटेच्या मैदानात धावले मी एकटी

प्रत्येक पडण्यातून उठले अजून पक्की

घामाची नथ आणि जिद्दीचा शेला

आज माझ्या नावानं गाजणार हा मेळा

श्वास धरून, डोळे मिटून

जाऊ दे भीती दूर उडून

घे झेप, घे झेप, आभाळ तुझं आहे

घे झेप, घे झेप, वारा तुझ्यासाठी वाहे

पंखांना नको आता कुणाची परवानगी

घे झेप गं पोरी, ही तुझीच कहाणी

आईच्या डोळ्यांत आज चमकलं पाणी

बाबा अभिमानानं म्हणतात, ही माझी राणी

ज्यांनी हसलं होतं, तेच वाजवतात टाळ्या

माझ्या पावलांनी उजळल्या साऱ्या गल्ल्या

ढग फाडून, वीज होऊन

उतरेन मी तारा होऊन

घे झेप, घे झेप, आभाळ तुझं आहे

घे झेप, घे झेप, वारा तुझ्यासाठी वाहे

पंखांना नको आता कुणाची परवानगी

घे झेप गं पोरी, ही तुझीच कहाणी

घे झेप

आभाळ तुझं आहे