ಖಾಲಿ ಜೋಕಾಲಿ (Khaali Jokaali)

ಹಿತ್ತಲ ಮಾವಿನ ಮರದಡಿಯಲ್ಲಿ

ತೂಗುತಿದೆ ಜೋಕಾಲಿ ಮೌನದಲಿ

ನೀನು ತಳ್ಳಿದ ಆ ಸಂಜೆಗಳು

ಈಗ ಬರಿಯ ನೆರಳಿನ ಸಾಲುಗಳು

ಹೆಸರು ಕೆತ್ತಿದ ಮರದ ತೊಗಟೆ

ಮಾಸಿದರೂ ಮರೆಯದು ಆ ಕಥೆ

ಬರುವೆ ಎಂದು ಹೇಳಿ ಹೋದೆ

ಬರದ ದಾರಿಗೆ ನಾನೇ ಕಾದೆ

ಖಾಲಿ ಜೋಕಾಲಿ ತೂಗುತಿದೆ

ಗಾಳಿಯೊಡನೆ ನಿನ್ನ ಕೇಳುತಿದೆ

ಕಣ್ಣ ಹನಿಗಳ ಮಾಲೆಯ ಮಾಡಿ

ಕಾಯುತಿರುವೆ ನಾ ದಾರಿಯ ನೋಡಿ

ಮಾವಿನ ಹೂವು ಮತ್ತೆ ಅರಳಿತು

ಮನಸಿನ ಗಾಯ ಮತ್ತೆ ತೆರೆಯಿತು

ಬಾಗಿಲ ಬಳಿ ಹೆಜ್ಜೆಯ ಸದ್ದು

ನೀನೇ ಎಂದು ಓಡಿದೆ ಎದ್ದು

ಖಾಲಿ ಜೋಕಾಲಿ ತೂಗುತಿದೆ

ಗಾಳಿಯೊಡನೆ ನಿನ್ನ ಕೇಳುತಿದೆ

ಕಣ್ಣ ಹನಿಗಳ ಮಾಲೆಯ ಮಾಡಿ

ಕಾಯುತಿರುವೆ ನಾ ದಾರಿಯ ನೋಡಿ

ಖಾಲಿ ಜೋಕಾಲಿ ಖಾಲಿ